É importante, para calquera sistema literario, que os galardóns literarios continúen o seu camiño e sigan con boa saúde. Por iso celebro a aparición deste libro que festexa os trinta anos do premio Manuel García Barros a través de dezaseis relatos que chegan da man de Xesús Constela, Afonso Álvarez Cáccamo, Ana Cabaleiro, Francisco Castro, Miguel Anxo Fernández Fernández, Xabier López, Xosé Monteagudo, Manuel Portas, Xavier Queipo, Antón Riveiro Coello, Miguel Sande, Anxos Sumai, Manuel Lourenzo, Antón Lopo, Santiago Lopo e Antonio Piñeiro.