A colección Vétera, de Rinoceronte, aborda a publicación doutro texto clásico como é ese conxunto de teses que sitúan ao ser humano no centro do Universo que se se encerran no Discurso sobre a dignidade do home, de Pico della Mirandola, con tradución, introdución e notas a cargo de Fernando Domènech Rey. Ao devandito título engádense, nesta edición, outros textos renacentistas como son unha selección de tres capítulos da Teoloxía Platónica de Marsilio Ficino e a  Fábula sobre o home de Joan Lluís Vives.